وشلون ابنسى والليـالي جروح

يا خوك همي هم وجروحي أجروح
وشلون أبنسى والليالـي جروحـي

***

ضايق وانا من زايف الوقت مجروح
ومن لوعة الأيام عايـش بروحـي

***

ما ودي أحكي عن همومي ولا أبوح
إلا لولي العـرش سـدي وبوحـي

***

تخنقني العبرة على صوت مبحـوح
وأكنهـا دمعـه بعينـي تفـوحـي

***

وأحسها دله علـى جمـر وتفـوح
وتذوب من حر المعاليـق روحـي

***

هذي المواجع أحسبه يـوم وتـروح
أثر المواجع لا لفت مـا تروحـي

***

حتى بنت في خافقي برج وصروح
عن قمتي ما سولفت لـك سفوحـي

***

والنوح من نوح الحمامه على الدوح
محدٍ عرف ليـه الحمامـه تنوحـي

***

مدري طرب وإلا من أحزانها تنوح
يااخوي قم ياخوي واصـدح بدوحـي

***

قصه مثيره في جسدهـا نفـذ روح
يا للعجب كم كنت فيهـا لحوحـي

***

طفلٍ حياته لعب وصراخ ومـزوح
واليوم جد الجد مـا بـه مزوحـي

***

أرسم وألون صورتي لون مفتـوح
وألقا غموضي في ملامح وضوحي

***

عجزت أبفهم قصتي درس مشروح
غايه تبـدد فـي مداهـا طموحـي

***

كلي طلاسم غامضه بوجه مفضوح
وأصد عن عين الفطين الفضوحـي

***

دقتني الأيـام مسمـار فـي لـوح
لين أرتكز مسمارها وسـط لوحـي

***

دنيا ظلام وليـل مـا بيـح البـوح
والصبح في شمسه بخيل وشحوحي

***

شفت الفرح في ساحة الحزن مذبوح
منظر كئيب بحالـة الـذل يوحـي

***

لا تسألوني ليه وشلـون "وشنـوح"
حتى أنا مدري ولا أبصر ولا أوحي

***

لا صار همي هم وجروحي جروح
وشلون ألملـم بالليالـي جروحـي

زائر

سجــــــــــــــــــيـن

قمة الابداعـــــــــــ

والروعـــــــــــــــــه

سلمت يمينــــــــــك

ودمت لنا رمزا للحب والعطــــــــــاء

خـــــــــــــــــا طفـــه

مشكووره غاليــتي على رووعة مرورك ومشاركتك

تقبلي تحيااتي

مشرف عدد الرسائل : 629 تاريخ التسجيل : 18/02/2007

طفلٍ حياته لعب وصراخ ومـزوح
واليوم جد الجد مـا بـه مزوحـي

***

أرسم وألون صورتي لون مفتـوح
وألقا غموضي في ملامح وضوحي

صح لسانك سجين

مشكووووره غلااي على رووعة تواجدك

تحياتي لك